AZAROAK 25 Emakumeen Kontrako Indarkeriaren Aurkako Nazioarteko Eguna: “IKUSTEN DUZU? GELDI EZAZU!

Aurtengo Azaroaren 25aren, Emakumeen kontrako Indarkeriaren aurkako Nazioarteko Egunaren harira, Ollarango Udalak honako programazioa prestatu du: PROGRAMAZIOA.jpg

Irantzu Huici Santesteban da argazki lehiaketako irabazlea eta bere ‘Maskulinitate berriak ereiten, intimitatetik, konfiantzatik eta errespetutik’ argazkiak jantziko du 2024ko egutegiko azala

Aurtengo lehiaketaren gaia “Gizonak eta berdintasuna” izan da eta Irantzu Huici Santestebanek 200 euroko saria jasoko du bere lanarekin irabazteagatik.

• 100 euroko bigarren saria José Luis Larrea Cenozentzat izan da, “Berdintasuna, bide luzea egiteko” lanarengatik, eta 50 euroko hirugarren saria Javier Irujo Lizaurrentzat, “Merezi du” lanarengatik.
• Epaimahaiak ” Gizonak egunerokotasunean, indarkeriaren konplize izateari utzi eta salatuz, berdintasunaren alde ” irudia ere hautatu du aipamen berezia egiteko.

Argazki lehiaketaren edizio honetara 30 argazki aurkeztu dira eta 12 pertsonek parte hartu dute, 5 emakumek eta 7 gizonek. Egutegiaren azalerako irudi irabazlea aukeratzeaz gain, urteko 12 hilabeteetarako argazkiak ere aukeratu ditu epaimahaiak.

2024ko egutegiko hilabete bakoitzean, genero berdintasunaren bilaketa ikuspegi maskulinotik islatzen duten egoerei, emozioei, istorioei edo uneei lotutako irudi bat jasoko da, eta aniztasuna eta gizonek gizarte bidezkoago bat eraikitzen laguntzeko dituzten moduak nabarmenduko dira.

Zorionak Irantzu!!

Sara Clemente Ruizek irabazi du logo lehiaketa.

Bere irudiak Oltza Zendea, Beraskoain, Bidaurreta eta Ollarango Udaletako Berdintasun Zerbitzua irudikatuko du.

4 logo aurkeztu dira eta 4 pertsonek parte hartu dute, 3 emakumek eta gizon batek. Zorionak Sara!!

Ollaran bailara, Landa Eremuko Emakumeen Nazioarteko Egunerako prest: “Denbora, presentzia, ahots eta bizitza gehiago”.

Urriaren 15ean ospatzen den Landa Eremuko Emakumeen Nazioarteko Eguna dela eta, “Denbora, presentzia, ahots eta bizitza gehiago” lelopean, Nafarroako Toki eta Lurralde Erakundeetako Berdintasun Teknikarien Sareak kanpaina bateratu bat prestatu du, landa inguruneko emakumeek zaintza sisteman egiten duten ekarpena azpimarratzeko.

Landa inguruneko emakumeek, sarritan ikusezinak eta isilduak, gure familiak, komunitateak eta ingurune naturalak mantendu dituzte historian zehar. Erronka eta oztopo neurrigabeak izan dituzte zaintzaile lanetan, eta aurre egin diete aitortza eta baliabide ezari, isolamendu geografikoari eta lana balioesteko politikarik ezari. Kanpaina honen testuinguruan, irudi grafiko eta adierazpen bat egin ditugu, proposamen eta aldarrikapenak biltzen dituena, alegia, zaintza, politika publikoen zeharkako ardatz bihur dadin, landa eremuen errealitatea kontuan hartuta. Atxikituta bidaltzen dizuegu informazioa eman eta zabal dezazuen.

Gainera, bigarren urtez jarraian, dokumental ziklo bat antolatu da, Nafarroa iparraldetik hegoaldera zeharkatuko duena. Bertan, emakumeak dira protagonista nagusiak, eta edukietan berriro gogorarazten da, ozen eta argi, zein diren egungo egoera hobetzeko beharrak eta aldarrikapenak. Irailaren 29tik aurrera eta urri osoan zehar garatuko den ziklo honen barruan, hainbat dokumental ikusi ahal izango dira honako herri hauetan: Urdiain, Oteiza, Ihabar (Arakil), Obanos, Larraga, Campanas, Murieta, Mirafuentes, Beraskoain, Artaxoa, Artazu, Bidaurreta, Larraintzar, Arano, Gares, Mendigorria, Ororbia (Oltza Zendea), Areso, Corella, Santacara, Monreal eta Elizondon.

Dokumental zikloaren egutegia:

http://www.ollo.es/wp-content/uploads/sites/54/2023/10/Documentales-Dokumentalak-15O_page-0001.jpg

Ollaran, Etxauribar eta Oltza Zendeako egitaraua:

http://www.ollo.es/wp-content/uploads/sites/54/2023/10/U15-scaled.jpg

MANIFESTUA:

Urriaren 15ean, Landa Eremuko Emakumeen Nazioarteko Eguna ospatzen dugun egun honetan, “Denbora, presentzia, ahots eta bizitza gehiago” lelopean, Berdintasun Teknikaria duten Nafarroako Toki eta Lurralde Erakundeek bat egin nahi dute egun honen ospakizunekin, zainketa sisteman landa emakumeek egindako ekarpena nabarmentzeko. Aspalditik, gure ama, amona eta arbasoak bizitzaren zaindari eta gure lurraldeetako zaintzaile izan dira.

Landa inguruneko emakumeek, askotan ikusezinak eta isilduak izan dira. Gure familia, komunitate eta ingurune naturalen zaintzaren zama eraman dute beren bizkarrean. Belaunaldi bakoitza elikatzeaz, sendatzeaz, hezteaz eta mantentzeaz arduratu dira. Laguntza eta elkartasun sareak sortu dituzte, gure lurretan biziari eutsi dion sare ikusezin baina sendoa eraikiz.

Zainketa lanak neurriz gainekoak izan dira eta oraindik ere horrela izaten jarraitzen dute, oztopo askori aurre eginez. Aurre egin behar izan diete aitortza faltari, baliabide eta zerbitzuen urritasunari, isolamendu geografikoari eta lana balioesteko politikarik ezari.

Zainketa lan horrekin batera, emakumeek zeregin erabakigarria dute landa eremuko ekonomian. Horietako asko nekazaritza, abeltzaintza eta artisautza jardueretan aritzen dira, eta elikagaiak ekoizten eta tokiko kultura zaintzen laguntzen dute. Beste batzuek aztertu, ikertu, ekin, sortu eta berritzen dute, landa ingurunea garatzeko aukera berriak sortuz. Hala ere, jarduera horiek sarritan erronkei egin behar izaten diete aurre, hala nola baliabide ezari, lurren titulartasunean dagoen genero arrakalari eta merkatuetara iristeko zailtasunei besteak beste.

Gaur egungo zainketak antolatzeko ereduak, ez ditu asetzen behar sozialak, eta datuek adierazten dute datozen urteetan okerrera egingo duela, zainketak beste modu batera antolatzen ez baditugu behintzat. Aldaketa soziodemografikoek, mendekotasun indizearen hazkundeak, emakumeen lan merkatuko presentzia handitzeak, politika neoliberalen garapenak, sistema publikoaren higadurak eta familia ereduen hedadurak eragin nabarmena izan dute zainketen antolaketa moduetan, eta horrek “zainketen krisiaz” hitz egitera garamatza.

Toki Erakundeok erronka guzti hauek planteatzen dituen egungo egoera ikusarazi nahi dugu, eta testuinguru horretan, emakumeek zeregin erabakigarria dutela nabarmendu nahi dugu. Hortaz:

–  Zaintza politika publikoen zeharkako ardatz bihurtzea ezinbestekoa da, landa eremuetako errealitatea kontuan hartuta.

–  Zaintza lanak aitortu, murriztu eta birbanatzea lehenestea nahitaezkoa da, gizonen parte hartze arduratsua bultzatzeko eta emakumeei laguntzeko.

–  Eta erakunde publikoetan, zainketa lanak kudeatu edo pribatizatu ordez, politika eraldatzaileak abiaraztea, zaintza demokratizatu eta duintzeko behar diren egiturak sortu eta garatuz.

Horrela bakarrik sustatuko da emakumeen eta gizonen arteko benetako berdintasuna lortzea, eta, aldi berean, pertsonek eta gizarteek bizitzari, ongizateari, iraunkortasunari eta gure garaiko beste erronka batzuei dagokienez dituzten behar eta nahiei erantzungo zaie.

Emakumeen eta gizonen arteko berdintasunerako bideak bizitza erdian jartzea derrigortzen du. Beharrezkoa da, pertsona guztiek bizitza osoa eta duina dutela ziurtatzea herri eroso eta seguruetan, maila sozialean zein ekologikoan jasangarriak. Interes ekonomikoen gainetik ongizatea lortzeko beharrezkoak diren zainketak jasotzeko eskubidea aitortzea emakumeei eta gizonei.

Ollarango udalak ostegunean, martxoaren 8an, deitu duten greba feministaren aldeko aldarria egiten du.

Udalak mugimendu feministaren greba deialdiarekin bat egiten du eta hura burutzea erraztuko du. Herritarrak animatzen ditu martxoaren 8aren inguruan antolatutako ekitaldietan parte hartzera. Udalak 5 minutuko batzar bat antolatu du udaletxearen atarian, martxoaren 8an, osoko bilkuraren ondoren (10:30an) eta zinegotziak eta udaleko langileak bertara deitzen ditu greba feministaren eta berdintasunaren alde agertzeko.

*Osoko bilkura horretako zinegotzien diruarekin ekintza parte hartzailea bat egingo da Ollaranen, emakume eta gizonen arteko benetako berdintasuna eta askatasuna aldarrikatzeko

Euskara ikasteko diru-laguntzak

Udalak euskara ikasteko diru-laguntzak emango ditu.
Diru-laguntza horiek euskarazko ikastaroen matrikularen % 50 izango dira, 400 euro gehienez pertsona bakoitzeko.

Argibideak eskatzeko, udaletxera deitu 948 328024 telefonora bulego orduetan.

Hemen dituzue Martxoak 8 Ollarango Batzordeak prestatutako egitaraua, udalak babestua.

Telefono berria informazioa jasotzeko: